Les mots surlignés font l'objet d'une note
1Monsieur, jay receu la lettre quil vous a pleu mescripre,
2ensemble les articles que les pères de mensonge
3ont presanté au conseil du roy, lesquelz ne contiennent
4ung seul mot de verité, ains sont tous plains de
5fausses impostures, comme je masseure leurs magestés
6cognoistrons assés. Je les vous renvoie et vous mertie
7très humblemant de ce quil vous plaist me despartir de
8vous novelles. Jay receu des lettres de monsieur le general
9Savoie, lequel puisquil at prins le chemin de Paris,
10nous narons de long temps en ce pais ; cestoit bien
11tousiour votre oppinion puisque ainsi est. Je vois icy
12retirer tout mon petit mesnage jusques à liver
13que jespère vous aler tenir compagnie si le bon pais
14de Provence ne vous y convie. Madame de La Motte
15est icy, laquelle trouvera quil y a difference du
16jeu au mesnage, toutesfois, elle y sera tost acostumée.
17Je feusse aler à Grenoble ung de ses jourts, mais il
18fault que je prette mes chevaulx à madame du
19Monestier qui sen va voir monsieur d’Ambrun. Ce neust
20esté sans vous aler baiser les mains et à madame et
21vous offrir service ; et à cest endroit, je vois saluer
22vous bonnes graces de mes très humbles recomandations,
23comme aussi faict la dame de nos biens. Je prie le
24Createur vous donner
25Monsieur en bonne santé, très bone et longue vie. De votre
26maison à La Motte, ce XXXVIIe aost
27Votre très humble et obeissant serviteur
28La Mote Verdeyer
2930